شعر بالعامية المصرية للاطفال(الشجر القصير)

ياشجر ياقصير

أنا زيك صغير

لكن بكره ح اكبر

ضلل فوق طريقى

اللى ح امشى عليها

وعرش بيوتى

اللى ح اسكن فيها

واعمل لى سراير

لجل أنام عليها

وشماسى وكراسى

لجل ارتاح فيها

ومكاتب ومضارب

علشان ألعب بيها

ومساطر واقلام

أقصفها وابريها

واتعلم أمسكها

أرسم واكتب بيها

حواديت وحكاوى

للولاد أحكيها

واملا الدنيا غناوى

من فرحى أغنيها

أجمل غنوة ح أقولها

ح تبقى علشانك

يامخضر غيطانك

ومضلل عليها

ياشجر ياصغير

أنا زيك قصير

علشان كده بحبك

واحب اقف جنبك

فى الشمس الشموسة

والمطرة أما تمطر

ومعاك رايح اتصور

أحلى وأجمل صوره

كل الموجود فيها

الشجر القصير

واولاد... صغيوره.!.